Gjatë debatit, Ylli Paçuku i ka drejtuar Maliqit një kritikë të drejtpërdrejtë, duke vënë në pikëpyetje përmbushjen e zotimeve që VLEN-i ua kishte dhënë shqiptarëve para ardhjes në pushtet.
“Ku mbetën premtimet e VLEN-it për bankën shqiptare, ligjin për përfaqësim të drejtë dhe adekuat? Po i realizoni premtimet e VMRO-së, jo të VLEN-it!”, ishte mesazhi i Paçukut.
Në fokus të kritikave janë disa nga premtimet që VLEN-i kishte artikuluar gjatë fushatës zgjedhore:
- Banka shqiptare – premtimi për themelimin e një banke shqiptare.
- Përfaqësimi i drejtë dhe adekuat – miratimi i një ligji që garanton përfaqësimin e shqiptarëve në institucionet shtetërore.
- Provimi i jurisprudencës në gjuhën shqipe – zotimi për t’u mundësuar kandidatëve shqiptarë dhënien e provimit edhe në gjuhën shqipe.
- 10.000 euro për çdo qytetar – premtimi financiar që ishte pjesë e zotimeve të prezantuara para qytetarëve.
- Të drejtat gjuhësore – zbatimi i plotë i Ligjit për Përdorimin e Gjuhëve.
Paçuku e zhvendosi debatin te përgjegjësia politike e VLEN-it, duke vënë në pikëpyetje se çfarë ka realizuar kjo parti nga premtimet me të cilat kërkoi besimin e qytetarëve shqiptarë.
Përballja në TVM2 mes dy të rinjve riktheu në vëmendje dallimin mes premtimeve të VMRO-së dhe zotimeve të VLEN-it, për të cilat qytetarët presin përgjigje dhe rezultate konkrete.
Nëse po realizohen premtimet e VMRO-së, pyetja që Paçuku ia shtroi Maliqit mbetet: ku janë premtimet e VLEN-it për shqiptarët?
