Një reagim i ashpër dhe emocional i El Chekës ka tronditur rrjetet sociale, duke rikthyer në vëmendje plagët e hapura të vitit 1999 në Kosovë dhe çështjen e harresës historike.
Në reagimin e tij, El Cheka sjell një rrëfim të rëndë nga koha e luftës, ku sipas tij, në vitin 1999 një plaku në Kosovë i ishte ofruar ujë nga një ushtar serb, por ai kishte refuzuar me fjalët:
“T’u rrit nera veç edhe me na vra fmit, edhe me ta pi ujin nuk muj.”
Duke e lidhur këtë histori me realitetin e sotëm, El Cheka shpreh indinjatë të thellë për, siç thotë ai, mungesën e ndjeshmërisë morale dhe historike.
Sipas tij, të ftosh djalin e komandantit legjendar Adem Jashari dhe t’i servosh produkte të prodhuara nga ata që i vranë familjen, përbën një akt të rëndë moral dhe një turp që nuk justifikohet në asnjë rrethanë.
“Është mëkat i madh,” shkruan El Cheka, duke e cilësuar këtë veprim si tejkalim të çdo vije të kuqe njerëzore dhe kombëtare. Në reagimin e tij, ai përdor tone të drejtpërdrejta dhe personale, duke kritikuar ashpër individët që, sipas tij, kanë humbur nderin dhe moralin në emër të komoditetit dhe interesit.
