Ndërsa nga ana tjetër FC Shkupi përballet me rezik real afër falimentimit!

FC Shkupi përballet me rezik real afër falimentimit ndërsa nga ana tjetër Drejtori i FC Vardar, Milenko Nedelkovski falënderon pushtetin e VMRO-së : U paguan plotë 7.5 milion euro borgje klubit të Vardarit dhe 3.5 milion euro buxhet të siguruar për sezonin e ri.

Situata aktuale në futbollin vendor ngre pikëpyetje serioze mbi standardet e trajtimit institucional. Nga njëra anë, FC Shkupi – një klub me histori, traditë dhe përfaqësim të madh sportiv – përballet me rrezik real të falimentimit dhe mungesë të mbështetjes financiare. Nga ana tjetër, Drejtori i FC Vardar, Milenko Nedelkovski, publikisht falënderon pushtetin e udhëhequr nga VMRO për shlyerjen e plotë të borxheve të klubit në vlerë prej 7.5 milionë euro dhe sigurimin e një buxheti shtesë prej 3.5 milionë euro për sezonin e ri.

Kjo situatë nuk është vetëm çështje sportive – është çështje e barazisë institucionale dhe drejtësisë ndaj komuniteteve që kontribuojnë në mënyrë të barabartë në buxhetin shtetëror. Nëse fondet publike përdoren për të shpëtuar dhe zhvilluar klube sportive, atëherë kjo duhet të bëhet mbi kritere të qarta, transparente dhe të njëjta për të gjithë.