Bujar Osmani ka reaguar ndaj pretendimeve për përfshirje politike në protestat studentore, duke theksuar se këto protesta janë një kauzë qytetare për barazi dhe respektimin e gjuhës shqipe, e jo një aktivitet partiak.
Osmani deklaroi se Mevlan Ademi e ka parë për herë të parë në jetën e tij gjatë fjalimit që ai mbajti në protestën e parë para Ministrisë së Drejtësisë.
“As nuk e kam takuar ndonjëherë, as nuk kam pasur çfarëdo komunikimi apo koordinimi me të apo me organizatorët e protestës”, theksoi Osmani.
Sipas tij, Bashkimi Demokratik për Integrim i është përgjigjur publikisht thirrjes së hapur të studentëve për mbështetje, njësoj si shumë parti, organizata dhe individë të tjerë në North Macedonia, në rajon dhe më gjerë.
“Kjo nuk është protestë partie. Janë fëmijët tanë që po protestojnë për barazi, për respektimin e gjuhës shqipe, për demokraci multietnike dhe për të ardhmen evropiane të shtetit”, u shpreh Osmani.
Ai shtoi se kur studentët dalin në rrugë për barazi dhe bëjnë thirrje për mbështetje, kjo bëhet obligim për secilin qytetar dhe subjekt politik.
