Vizita zyrtare e kryetarit të Kuvendit, Afrim Gashi, në Vatikan dhe deklarata e tij drejtuar Papa Leonit XIV — “Kam besim te Ju” — ka nxitur reagime dhe komente të shumta në opinion.
Një pjesë e kritikëve kanë vlerësuar se një deklaratë e tillë nga një zyrtar i lartë shtetëror është e tepërt dhe nuk përfaqëson neutralitetin institucional që duhet të ruajë një përfaqësues shteti në raport me figurat fetare.
Komentet kundërshtuese janë fokusuar kryesisht te mënyra e formulimit të mesazhit, duke e konsideruar atë më shumë personal sesa diplomatik, sidomos duke pasur parasysh pozitën që mban Gashi si kryetar i Kuvendit.
