Zv.kryeministri Arben Fetai ka deklaruar publikisht se nuk ka asnjë dilemë sa i përket orientimit politik të kryeministrit Hristijan Mickoski, duke e cilësuar atë si qartazi pro-europian.
Në një paraqitje publike, Fetai theksoi se pavarësisht kritikave dhe debateve politike, veprimet dhe qëndrimet e Mickoskit tregojnë angazhim për integrimin evropian të Maqedonisë së Veriut dhe përmbushjen e obligimeve që rrjedhin nga ky proces.
Kjo deklaratë vjen në një kohë kur në opinionin publik dhe në skenën politike ka diskutime të shumta për sinqeritetin e Qeverisë ndaj agjendës evropiane, veçanërisht pas qëndrimeve të VMRO-DPMNE-së lidhur me ndryshimet kushtetuese.
Qëndrimi i Fetait pritet të ngjallë reagime, sidomos brenda spektrit politik shqiptar, ku një pjesë e aktorëve vazhdojnë të shprehin skepticizëm ndaj politikave të kryeministrit dhe partnerëve të tij qeveritarë.
