Zhvillimet e fundit në skenën politike shqiptare në Maqedonia e Veriut sinjalizojnë një rikonfigurim të ri brenda spektrit opozitar, ndërsa në qendër të vëmendjes po del emri i Fatmir Limani.
Në një qëndrim të fortë publik, Limani theksoi se “fitoren nuk e ndërtoi VLEN-i, por sakrifica e Nënës Shqiptare”, duke lënë të kuptohet se meritën për mbështetjen qytetare nuk mund ta përvetësojë asnjë subjekt politik. Sipas tij, vota shqiptare është produkt i sakrificës shumëvjeçare dhe jo rezultat i kalkulimeve momentale politike.
Ndërkohë, sipas raportimit të TV Gurra, në sipërfaqe së shpejti pritet të dalë një subjekt i ri politik me në krye Limanin, i cili aktualisht mban postin e ministrit të Punës Sociale, Rinisë dhe Demografisë.
Burimet bëjnë të ditur se partia e re do të mbajë emrin LE – Lidhja Europiane, një formacion që synon të ofrojë alternativë të re me orientim euro-integrues, reforma të brendshme dhe përfaqësim më dinamik në skenën politike shqiptare.
Sipas të njëjtave burime, këto zhvillime vijnë pas përplasjeve të fundit brenda Lëvizja BESA, duke shtuar zërat për një riorganizim të thellë të opozitës shqiptare.
Mbetet të shihet nëse “LE – Lidhja Europiane” do të materializohet si projekt politik dhe si do të ndikojë në balancat ekzistuese në kampin opozitar.
