Gjykatësi kushtetues, Osman Kadriu, ka kritikuar ashpër klasën aktuale politike në vend, duke vlerësuar se ajo nuk ka kapacitetin e nevojshëm për të zgjidhur problemet kryesore me të cilat përballet shteti.
Sipas tij, mungesa e përgjegjësisë dhe dominimi i interesave partiake kanë çuar në bllokim institucional dhe në zvarritje të proceseve të rëndësishme. Kadriu thekson se kjo situatë po ndikon drejtpërdrejt në funksionimin e shtetit juridik dhe në besimin e qytetarëve ndaj institucioneve.
Ai nënvizoi se vendi ka nevojë për lidership më të përgjegjshëm dhe për përfshirje më të madhe të ekspertëve në vendimmarrje, në mënyrë që të adresohen çështjet kyçe në mënyrë efikase.
