Nga studio e TV21, Qoku ka drejtuar një mesazh të drejtpërdrejtë ndaj Fetait, duke vënë në pikëpyetje pretendimet për 25 për qind përfaqësim. Ai theksoi se kërkesat politike nuk mjaftojnë vetëm me deklarata publike, por duhet të mbështeten në legjitimitet real dhe përfaqësim të dëshmuar në terren.
“S’mjafton ta kërkosh 25%. Pyetja thelbësore është: a e ke legjitimitetin për ta marrë?”, është shprehur Qoku, duke shtuar se përqindjet nuk janë çështje dëshire personale, por rezultat i vullnetit qytetar dhe peshës politike që një subjekt apo individ ka fituar me votë.
Sipas tij, përfaqësimi nuk mund të trajtohet si pronë private apo si e drejtë e vetëshpallur, por si përgjegjësi që buron nga besimi i qytetarëve. Qoku la të kuptohet se çdo pretendim për 25% duhet të kalojë përmes filtrit të zgjedhjeve dhe mbështetjes konkrete, e jo përmes presioneve apo retorikës mediatike.
