Mediat maqedonase kanë hapur debat publik pas publikimit të një analize ku thuhet se pesë tonë drogë kanë kaluar përmes Maqedonisë së Veriut pa u identifikuar asnjë fajtor konkret. Sipas shkrimit, një sasi kaq e madhe nuk mund të transportohet pa organizim, logjistikë dhe dështim institucional në kontrollet kufitare dhe të sigurisë.
Shkrimi kritikon heshtjen e Prokurorisë, Policisë dhe Doganave, ndërsa në vend të përgjigjeve institucionale, rasti është shndërruar në përplasje politike. Mediat theksojnë drejtësinë selektive: për disa gramë drogë ka arrestime të shpejta dhe ekspozim publik, ndërsa për krim të organizuar me vlerë milionëshe përdoret fraza e konsumuar “hetimi është në vazhdim”.
Sipas autorit, pesë tonë drogë përbëjnë rrezik serioz për sigurinë publike dhe reputacionin e shtetit, ndërsa mungesa e përgjegjësisë po dëmton rëndë besimin e qytetarëve në institucionet e drejtësisë.
