Sekretari i Përgjithshëm i BDI-së, Arbër Ademi, ka reaguar ndaj mesazheve të vazhdueshme të pushtetit për “të qëndruar rehat”, duke vlerësuar se pas kësaj retorike fshihet mungesa e rezultateve dhe tentimi për të heshtur pakënaqësitë e qytetarëve.
Sipas Ademit, kur përfaqësuesit e pushtetit thonë “rrini rehat”, në fakt nënkuptojnë “na leni rehat”, ndërkohë që problemet e qytetarëve mbeten pa zgjidhje dhe premtimet vazhdojnë të mbeten vetëm fjalë.
Ai theksoi se qytetarët nuk kërkojnë qetësi të rreme dhe justifikime, por institucione funksionale, përgjegjësi dhe rezultate konkrete në shërbim të tyre.
