Pothuajse 1.6 miliardë euro janë paguar në kazino, klube automatësh dhe bastore në Maqedoninë e Veriut vetëm gjatë gjashtë muajve të parë të vitit 2026, tregojnë të dhënat e Drejtorisë së të Ardhurave Publike (DAP).
Shifra vjen në një kohë kur tashmë kanë nisur të zbatohen afatet për zhvendosjen e objekteve të lojërave të fatit më larg institucioneve arsimore. Megjithatë, pagesat në këtë sektor nuk kanë shënuar rënie.
Të dhënat ngrenë sërish pyetjen për premtimet politike lidhur me kufizimin dhe mbylljen e kazinove. Ku është VLEN-i dhe çfarë ka mbetur nga premtimi për mbylljen e kazinove?
Nëse ritmi i pagesave vazhdon edhe gjatë pjesës së dytë të vitit, shifrat mund të tejkalojnë ndjeshëm 2.8 miliardë eurot e regjistruara gjatë gjithë vitit 2025.
Në vend të mbylljes së kazinove, deri tani masat e zbatuara janë të fokusuara kryesisht në zhvendosjen e tyre larg shkollave dhe institucioneve arsimore. Ndërkohë, operatorët e lojërave të fatit kundërshtojnë zhvendosjen, duke argumentuar se ajo mund të nxisë aktivitetin ilegal.
1.6 miliardë euro në vetëm gjashtë muaj. Premtimi ishte mbyllja e kazinove – sot pyetja mbetet: ku është VLEN-i?
