Kuvendi i Maqedonisë së Veriut ka votuar dhe miratuar ndryshimet në Ligjin për sigurinë në komunikacionin rrugor, duke u mundësuar vozitësve me patentë të kategorisë B të drejtojnë motoçikleta deri në 125 kubikë.
Ndryshimet, të propozuara nga Lëvizja ZNAM – Për Maqedoninë Tonë, parashohin që kjo e drejtë vlen për motoçikleta me transmision automatik të kategorisë A1.
Sipas Pavle Arsovski, kushtet për përfitim janë që vozitësit të jenë së paku 23 vjeç, të kenë patentë të kategorisë B për të paktën pesë vite dhe të ndjekin një trajnim teorik katërorësh në auto-shkollë.
Trajnimi do të vlejë vetëm brenda territorit të vendit, ndërsa rregullat për zbatimin e ligjit do të përcaktohen nga Ministria e Punëve të Brendshme e Maqedonisë së Veriut.
