Një komentues në rrjetet sociale ka reaguar ndaj deklarimeve të Hasim Murtezanit, duke e kritikuar për mënyrën se si, sipas tij, u drejtohet shqiptarëve.
Në një koment të publikuar në Facebook, Fatih Huseini i drejtohet drejtpërdrejt Murtezanit, duke shkruar se atij “i vjen shumë turp” që duhet t’i dëgjojë këto fjalë drejtuar elektoratit shqiptar.
Huseini pretendon se realiteti politik është ndryshe nga ajo që paraqet Murtezani dhe i referohet edhe një takimi të Mevlanit me ministrin Shashivari. Sipas komentuesit, gjatë takimit dhe pas tij janë bërë kërkesa që provimi i Jurisprudencës të zhvillohet vetëm në gjuhën shqipe.
Komentuesi e përdor këtë si kundërargument ndaj deklarimeve të Murtezanit, duke e akuzuar se po paraqet një realitet ndryshe nga ai që, sipas tij, po ndodh në terren.
