Pas afro 2 muajsh që nga marrja e mandatit nga Orce Gjorgjievski si kryetar i Shkupit, koalicioni VLEN mbetet pa asnjë drejtori në ndërmarrjet publike të qytetit. Aktivistët dhe përkrahësit e VLEN-it ndihen të zhgënjyer, duke e parë se premtimet parazgjedhore për pozita udhëheqëse në ndërmarrjet si “Higjiena Komunale” dhe “Parqet dhe Gjelbërimi” u shuan pa lënë gjurmë.
Edhe pas zgjedhjeve, Orce Gjorgjievski ka marrë kontrollin e plotë të ndërmarrjeve publike, ndërsa VLEN mbetet jashtë loje, pa ndikim real dhe vetëm me fjalë bosh. Kjo situatë bie në kontrast të drejtpërdrejtë me premtimet e bëra gjatë fushatës, kur VLEN siguroi aktivistët se do të kishte rolin e vet të rëndësishëm në drejtimin e qytetit.
Burime partiake raportojnë se kjo gjendje ka shkaktuar pakënaqësi të thellë brenda strukturave të VLEN-it, duke ngritur pyetje mbi seriozitetin dhe aftësinë e udhëheqësisë së tyre për të përmbushur premtimet. Nga ana tjetër, qytetarët shohin ndryshim të dukshëm në menaxhimin e ndërmarrjeve publike, nën drejtimin e Orces, por VLEN nuk ka pasur asnjë rol të dukshëm në këtë proces.
Situata aktuale tregon se, pas 2 muajsh, VLEN mbetet vetëm me fjalë bosh, ndërsa Orce Gjorgjievski kontrollon gjithçka në kryeqytet, duke e lënë koalicionin partner në pozicion të dobët dhe të parëndësishëm.
