Mungesa e Arben Fetai në Konventën e fundit të VLEN-it ka nxitur shumë pikëpyetje dhe spekulime në opinionin publik. Një nga pyetjet që po qarkullon më së shumti është nëse ai është ndier i tradhtuar nga njëri prej “prindërve” politikë që e mbështetën në ngritjen e tij politike.
Megjithëse Arben Fetai nuk ka dhënë asnjë deklaratë publike lidhur me mungesën e tij, heshtja e tij po interpretohet nga shumëkush si shenjë e pakënaqësive të brendshme dhe e mospajtimeve me zhvillimet e fundit brenda VLEN-it.
Analistë dhe ndjekës të skenës politike shtrojnë pyetjen: a u anashkalua Fetai nga njëri prej figurave kryesore të koalicionit, apo bëhet fjalë për një vendim personal për t’u distancuar nga proceset e fundit?
Për momentin nuk ka një përgjigje zyrtare, por mungesa e tij në një nga ngjarjet më të rëndësishme politike të VLEN-it ka hapur debat mbi raportet e tij me drejtuesit kryesorë të këtij subjekti. Heshtja e Arben Fetait vetëm sa po shton dyshimet dhe po lë hapësirë për interpretime të ndryshme.
