Banka turke Halkbank po përmendet si një nga kandidatët më seriozë për blerjen e Alta Bankës, në kuadër të zhvillimeve të fundit rreth pronësisë së bankës serbe.
Sipas raportimeve, Halkbank është e interesuar për hyrjen më të fuqishme në tregun bankar rajonal, ndërsa Alta Banka është aktualisht në qendër të vëmendjes për shkak të ndryshimeve të mundshme në strukturën e pronësisë.
Nëse realizohet transaksioni, blerja do të përbënte një lëvizje të rëndësishme për Halkbank dhe do të mund të ndryshonte ndjeshëm pozicionimin e saj në tregun financiar të rajonit.
Detajet për vlerën e mundshme të transaksionit dhe procedurat e blerjes pritet të bëhen të ditura pas përfundimit të negociatave dhe procedurave përkatëse.
