Rezultatet e konkursit të fundit për punësime në Ministrinë e Energjetikës, Minierave dhe Lëndëve të Para kanë ngritur reagime për përfaqësimin etnik në institucionet shtetërore. Sipas të dhënave të publikuara, nga 10 të punësuarit e rinj në këtë konkurs, të gjithë janë maqedonas, ndërsa nuk figuron asnjë kandidat shqiptar i pranuar.
Ky rast ka rikthyer debatet për zbatimin e parimit të përfaqësimit të drejtë dhe proporcional në administratën publike, sidomos pas kritikave të vazhdueshme nga partitë shqiptare opozitare për mungesë të përfaqësimit të shqiptarëve në institucionet shtetërore.
Ministria e Energjetikës ka publikuar konkurse dhe njoftime për vende të ndryshme pune në kuadër të administratës së saj, ndërsa rezultatet e fundit po komentohen si një tjetër shembull i pabarazisë së pretenduar në punësimet publike.
